Клучните точки на проектот АЛТЕР ТРИП беа остварени и дискутирани на 3. технички состанок
Третиот технички состанок што се одржа на 15 мај 2023 година, послужи како платформа за темелна дискусија за напредокот и досегашните достигнувања на проектот. Овој состанок ги собра сите проектни партнери и одбележа важен момент во напредокот на проектот.
За време на состанокот, проектните партнери го разгледаа досегашниот напредок во имплементацијата и иновативните решенија кои беа осмислени за да ги исполнат целите на проектот. Тие дискутираа за успешниот развој на дигиталната платформа и интерактивната мапа (https://alter-trip.eu/gsis) чија цел е да ги води туристите низ пристапни рути и да им прикаже уникатни атракции кои инаку може да останат незабележани.
Дополнително, партнерите ја искористија можноста да ги испланираат и финализираат датите за претстојните настани. Соработката и синхронизираните активности ќе играат клучна улога во успешната имплементација на визијата на проектот.
Посветеноста на проектот АЛТЕР ТРИП за вклученост и пристапност е усогласена со глобалното движење кон поразновидни и рамноправни туристички практики. Неговата цел е да предизвика ефект на бранување во рамките на индустријата со тоа што ќе постави нови стандарди и ќе инспирира други иницијативи ширум светот.
За АЛТЕР ТРИП:
Проектот АЛТЕР ТРИП има за цел да мотивира транформација на прекуграничниот регион во пристапна и инклузивна туристичка дестинација и да го поддржи одржливиот развој на туризмот на културното и природното наследство.
Проектот е ко-финансиран од Европската Унија и Националните фондови на земјите учеснички во ИПА Интеррег Програмата за прекуграничка соработка „Грција – Република Северна Македонија“ 2014-202.